७ बैशाख, २०८१ | 19 Apr, 2024
काठमाडौं । राष्ट्रपति विद्यादेवी भण्डारीले लकडाउनको अवधिमा घरमै बस्नु परेको अवस्थालाई सिर्जनात्मक, रचनात्मक र उत्पादनमुलक बनाउन सुझाव दिएकी छिन् ।
बुधबार कोरोना भाइरस (कोभिड १९) बाट उत्पन्न विश्वप्यापी महामारी रोकथामको सन्दर्भमा राष्ट्रपति भण्डारीले ‘लकडाउन’को बेला देश बनाउने विषयमा चिन्तन मनन गर्न आह्वान गरेकी हुन् ।
यस समयलाई सबैले मुलुकको अर्थतन्त्रलाई स्वावलम्बी र आत्मनिर्भर बनाउनका लागि के गर्न सकिन्छ भन्ने विषयमा अध्ययन, अनुसन्धान र चिन्ततन मनन गर्ने काममा सदुपयोग गर्न सक्छन् भन्ने आफूलाई लागेको राष्ट्रपतिको भनाइ छ ।
उनले वर्तमान संवेदनशील अवस्थालाई मध्यनगर गर्दै सरकारले जारी गरेका निर्देशनलाई पालना गर्न पनि अनुरोध गरेकी छिन् ।
