१२ बैशाख, २०८१ | 24 Apr, 2024
काठमाडौं । प्रधानमन्त्री केपी शर्मा ओली सोमबार आफ्नो निवास बालकोट पुगेका छन् । नेपाल कम्युनिष्ट पार्टी (नेकपा) का अध्यक्ष समेत रहेका ओली अर्का अध्यक्ष पुष्पकमल दाहाल ‘प्रचण्ड’सँग छलफल सकिएलगत्तै प्रधानमन्त्री ओली बालकोटस्थित आफ्नो निवासमा पुगेका हुन् ।
प्रधानमन्त्री चयन भएदेखि सरकारी निवास बालुवाटारमा बस्दै आएका ओली सम्भवतः पहिलोपटक बालकोटस्थि आफ्नो निवासमा पुगेका हुन् । जनैपूर्णिमाको दिनमा प्रधानमन्त्री ओलीआफ्नो निजी निवासमा पुगेका हुन् । यसअघि पार्टीभित्र देखिएको विवाद समाधानका लागि अध्यक्षद्वयबीच बालुवाटारमा छलफल भएको थियो ।
सधैंको तुलनामा अनौपचारिक पहिरनमा त्यहाँ पुगेका ओली केहीबेर आफ्नो निवासमा बसेर पुनः बालुवाटार फर्केका छन् । प्रधानमनत्री भएर ओली बालुवाटार सरेपछि बालकोटस्थित निवासमा पूर्वसञ्चारमन्त्री गोकुल बास्कोटा बस्दै आएका छन् ।
