११ बैशाख, २०८१ | 23 Apr, 2024
काठमाडौं । सरकारले मापदण्ड विपरित पीसीआर परीक्षणमा बाध्य नपार्न आग्रह गरेको छ । घरधनीहरुले परीक्षणका लागि दबाव दिने गरेको गुनासो आएपछि सरकारले यस्तो आग्रह गरेको हो । सोमबार परराष्ट्र मन्त्री तथा सरकारका प्रवक्ता प्रदीप ज्ञवालीले पत्रकार सम्मेलनमार्फ सचेत गराएका हुन् ।
मन्त्री ज्ञवालीले पीसीआर रिपोर्ट नभई धरधनीले डेरामा बस्नेलाई पस्न नदिएको र औद्योगिक प्रतिष्ठानले काम गर्न नदिएको सुन्नमा आएको भन्दै जबर्जस्ती पीसीआर परीक्षणका लागि बाध्य नपार्न उनले सबैमा आग्रह गरे ।
यस्तै उनले कोरोना संक्रमणको जोखिम कायमै रहेकाले सतर्कता अपनाउन पनि सबैलाई आग्रह गरे ।
लक डाउन खुकुलो जोखिम कम भएर नभइ जीवन र जिविका चलाउन सहज बनाइएकाले सतर्कता अपनाउन जरुरी रहेको उनको भनाइ छ
।
उपत्यका लगायत विभिन्न जिल्लाहरुमा दिनदिनै संक्रमण बढीरहेको अवस्थामा सरकारले सबैले उच्च सतर्कता अपनाएर सहयोग गर्न उनले आग्रह गरे ।