१६ चैत, २०८० | 29 Mar, 2024
काठमाडौं । पछिल्लो २४ घण्टामा देशभर १ हजार २५५ जना कोरोना भाइरसका संक्रमित थपिएका छन् । स्वास्थ्य तथा जनसंख्या मन्त्रालयका अनुसार ८ हजार ८ जनाको पीसीआर परीक्षण गर्दा उक्त संख्यामा संक्रमित पुष्टि भएका हुन् । यससँगै नेपालमा कोरोना भाइरसबाट संक्रमित हुनेको संख्या २ लाख ३१ हजार ९७८ जना पुगेको छ ।
त्यस्तै, पछिल्लो २४ घण्टामा १ हजार ४०४ जना संक्रमित निको भएर अस्पतालबाट डिस्चार्ज भएका छन् । यो सँगै नेपालमा कोरोना भाइरसको संक्रमण जितेर घर फर्किनेको संख्या २ लाख १२ हजार ५९० जना पुगेको छ ।
यस्तै पछिल्लो २४ घण्टामा देशभर २५ जना संक्रमितले ज्यान गुमाएका छन् । यो सँगै नेपालमा कोरोना भाइरसको संक्रमणबाट मृत्यु हुनेको संख्या १ हजार ४७९ पुगेको छ ।
हाल देशमा सक्रिय संक्रमितको संख्या १७ हजार ९०९ छ । मन्त्रालयका अनुसार हालसम्म नेपालमा १७ लाख २७ हजार ८३६ जनाको पीसीआर विधिबाट स्वाब परीक्षण गरिएको छ भने अहिले १७ हजार ९०९ जना आइसोलेसन र ६३२ जना क्वारेन्टिनमा छन् ।