१४ बैशाख, २०८१ | 26 Apr, 2024
काठमाडौं । सरकारले असोज १ गतेदेखि लामो दूरीका सवारी तथा आन्तरिक र बाह्य हवाई उडान सुचारु गर्ने निर्णय गरेको छ ।
सरकारका प्रवक्ता एवम् परराष्ट्रमन्त्री प्रदीप ज्ञवालीले सोमबार बसेको मन्त्रिपरिषदको बैठकले असोज १ बाट लामो दूरीको यातायात तथा हवाई उडान सञ्चालन गर्ने निर्णय गरेको बताएका हुन् ।
ज्ञवालीका अनुसार स्वास्थ्य मापदण्ड अपनाएर सवारी सञ्चालन गर्नुपर्नेछ । यात्रुले अनिवार्य मास्क लगाउनुपर्नेछ भने गाडीभित्र र ढोकामा स्यानिटाइजर अनिवार्य राख्नुपर्नेछ । भौतिक पूर्वाधार तथा यातायात मन्त्रालयले सवारी सञ्चालन सम्बन्धी थप मापदण्ड तयार गर्नेछ ।
