२२ चैत, २०८१ | 04 Apr, 2025
दाँत माझ्नु दैनिक जीवनको अभिन्न अंग हो । सामान्यत दिनमा २ पटक दाँत माझ्नेहरुको संख्या कमि छैन । तर तपाईं सही तरिकाले दाँत माझिरहनुभएको छ त ? तपाईंको अज्ञानताका कारण कतै दाँतहरूले अनावश्यक दुःख त पाइरहेका छैन ?
आउनुहोस् आज दाँत माझ्दा अपनाउनुपर्ने सावधानीहरुका वारेमा चर्चा गरौं । हामी तपाईंलाई केही जानकारीहरु राख्न गइरहेका छौं । जसलाई अपनाउदा तपाईंको दाँत स्वस्थ रहन मद्धत गर्दछ भने अनुहारमा कान्ति छाउनेछ ।
दाँत माझ्दा अपनाउनुपर्ने सावधानीहरु
१. दाँत माझ्ने प्रमुख साधन नै टूथब्रश हो, त्यसैले जहिलेपनि राम्रो टूथब्रश प्रयोग गर्नुस् । सस्तोको लोभमा आफ्ना मूल्यवान दाँतलाई कष्ट नदिनुस् र दाँत नबिगार्नुहोस् ।
२. नरम ब्रिसल भएको ब्रश प्रयोग गर्नुस् । कडा ब्रिसलले गिजा र दाँतका इनामेल नष्ट गर्दछ ।
३. दाँत माझ्नुभन्दा पहिला ब्रश सफा भएको सुनिश्चित गर्नुहोस् । प्रयोग ब्रशलाई नगर्दा छोपेर राख्नुस् । बाथरूममा नछोड्नुस्, घाममा देखाउनुस् वा घाममा सुकाउनुहोस् ।
४. जहिलेपनि टूथब्रशलाई चोरीऔंला र बुढीऔंलाले समात्नुस् । पूरै हातको भार टूथब्रशमा नपार्नुहोस् ।
५. खाना खानेबित्तिकै दाँत माझ्दा दाँतका इनामेल नष्ट हुन्छन् । त्यसैले खाना खान साथ दाँत माझ्नु मानव स्वास्थ्यका लागि हानिकारक हो । त्यसैगरी दाँत माझ्ने बित्तिकै खाना खानु पनि स्वास्थ्य बर्दक हुँदैन ।
६. दाँत माझ्ने कार्य हतारमा गर्ने होइन । तपाइले यसलाई पनि समय खर्चन कन्जुस्याई नगर्नुहोस् । कम्तीमा दुई मिनेट दाँत माझ्नुस् । दाँतका चार कुनालाई ३३ सेकेन्ड समय दिनुहोस् ।
७. दाँतलाई धेरै रगडेर ब्रश गर्नुहुदैन । ब्रश गर्दा दाँतमा तल र माथि ब्रश चलाउनुपर्दछ । दाँयाँ वायाँ, भित्र वाहिर गरेर ब्रश गर्दा त्यसले दाँत वढि घोटिन्छ ।
८. दाँतमा अड्कने वा गुलियो पदार्थ जस्तै चकलेट आदि खानुभएको छ भने त्यस पश्चात दाँत माझ्नु राम्रो हुनेछ ।
९. दाँत फ्लस गरेको राम्रो तर माउथवाश खासै जरूरी छैन ।
१०. सास गनाउने रोक्नका लागि पनि दिनदिनै दाँत माझ्नुपर्छ । दाँत माझ्दा गिजा पनि सफा गर्न नबिर्सनुहोस् ।
एजेन्सीको सहयोगमा तयार पारिएको सामग्री
