आयल निगमद्वारा इन्धनको मूल्यवृद्धि, यस्तो छ नयाँ मूल्य सूची

 अर्थबुलेटिन संवाददाता   १७ सावन, २०७७



 काठमाडौं । नेपाल आयल निमगले इन्धनको मूल्य वृद्धि गरेको छ । निगमले पेट्रोल, डिजेल र मटितेलमा प्रतिलिटर  प्रतिलिटर २ रुपैयाँ बढाएको हो  । निगमका प्रवक्ता बिनितमणि उपाध्यायले अन्तर्राष्ट्रिय बजारमा इन्धनको मूल्य बढेको जनाउँदै निगमले मूल्य बढाएको बताए । उनले  नयाँ मूल्य शनिबार राति १२ बजेदेखि लागू हुने बताए ।

‘भारतीय आयल कर्पोरेसन्स (आइओसी)ले अगस्ट १ मा पठाएको मूल्यसूचीअनुसार इन्धनको मूल्य बढेको छ । कच्चा तेलको मूल्य, डलरको बिनियम दर र आईओसीबाट प्राप्त मूल्यसूचीको आधारमा इन्धनको साबिकको खुद्रा बिक्री मूल्यमा २ रुपैयाँ बढाउने निर्णय भएको छ,’ उनले भने, ‘मूल्य समायोजन गरे पनि निगमलाई पेट्रोलमा १ रुपैयाँ २३ पैसा र डिजेलमा १ रुपैयाँ १५ पैसा नोक्सान नै छ ।’

निगमले  हवाई इन्धन र खाना पकाउने एलपी ग्यासको मूल्य भने यथावत नै राखेको जनाएको छ ।

 



प्रतिक्रिया


प्रतिक्रिया थप्नुहोस






विज्ञापन

 

© 2024 - अर्थ बुलेटिन | Developed by Smart Innovation