१४ बैशाख, २०८१ | 26 Apr, 2024
पोखरा । गण्डकी प्रदेश सरकारले कोरोना संक्रमितको उपचार निःशुल्क भइरहेको जानकारी गराएको छ । मंगलबार मुख्यमन्त्री पृथ्वी सुब्बा गुरुङका प्रेस संयोजक विक्रम न्यौपानेले प्रदेशभरी कोरोना संक्रमित बिरामीको उपचार निःशुल्क भइरहेको प्रष्ट पारेका हुन् ।
गण्डकी सरकार नागरिकको दायित्वबाट पछि नहटेको जनाएको छ ।
हाल गण्डकीका ३८ स्थानका आइसोलेसनमा उपचार भइरहेको जनाइएको छ । गुरुङका प्रेस संयोजक न्यौपानेका अनुसार कोरोनाको पीसीआर परीक्षण र उपचार खर्च गण्डकी सरकारले नै व्यहोर्दै आएको र यो सेवा निरन्तर हुने जनाएका छन् ।
