८ बैशाख, २०८२ | 21 Apr, 2025
काठमाडौं । सेञ्चुरी कमर्सियल बैंक लिमिटेडले गत आर्थिक वर्ष २०७६।७७ का लागि लाभांश प्रस्ताव गरेको छ। बैंक सञ्चालक समितिको सोमबार बिहान बसेको बैठकले २०७७ असार मसान्तसम्म कायम चुक्तापुँजी ८ अर्ब ४१ करोड ५४ लाख ७१ हजार ५७६.३० रुपैयाँ तथा आर्थिक वर्ष २०७५।७६ को मुनाफाबाट वितरण गर्न बाँकी रहेको १६ करोड ८३ लाख ९ हजार ४२३.७० रुपैयाँबराबरको बोनस सेयरसमेत गरी कायम हुन आउने चुक्तापुँजी ८ अर्ब ५८ करोड ३७ लाख ८१ हजार रुपैयाँको कुल ७.५ प्रतिशतले हुन आउने लाभांश प्रस्ताव गरेको हो।
प्रस्तावित लाभांशमा ५.२५ प्रतिशतले हुन आउने ४५ करोड ६ लाख ४८ हजार ५०२.५० रुपैयाँबराबरको बोनस सेयर र २.२५ प्रतिशतले हुन आउने १९ करोड ३१ लाख ३५ हजार ७२.५० रुपैयाँ बराबरको नगद लाभांश छन्।
प्रस्तावित लाभांश नेपाल राष्ट्र बैंकको स्वीकृतिपछि आगामी वार्षिक साधारणसभाबाट सेयरधनीलाई वितरण गरिने बैंकले जनाएको छ।
