२२ चैत, २०८१ | 04 Apr, 2025
काठमाडौं । पछिल्लो २४ घण्टामा देशभरवाट कोरोना संक्रमणको कारण १४५ जनाले ज्यान गुमाएका छन् भने ७ हजार ३६८ जना नयाँ संक्रमित थपिएका छन् भने यो अवधिमा काठमाडौं उपत्यकामा कुल २ हजार ६०९ जना थपिएका छन् ।
जेष्ठ २ गते आइतबार स्वास्थ्य तथा जनसंख्या मन्त्रालयले गरेको नियमित प्रेस ब्रिफिङ मन्त्रालयका प्रबक्ता डा. जागेश्वर गौतमले २४ घण्टाको अवधिमा १९ हजार ५३९ जनाको पिसिआर परिक्षण र ३४४ जनाको एन्टिजेन परिक्षण गर्दा कुल ७ हजार ३६८ जनामा संक्रमण देखिएको पुष्टि गर्नुभएको हो ।
यस २४ घण्टाको अवधिमा देशभरवाट ६ हजार ६४८ जना कोरोना मुक्त भएका छन् ।
यो संगै केहि दिन यता क्रमश कोरोना भाइरस संक्रमितको संख्या र यसका कारण भएको मृत्युदर घट्दै गएको मन्त्रालयको तथ्याङकले देखाएको छ ।
यो अवधिमा काठमाडौंमा १ हजार ८८१ जना, भक्तपुरमा २९२ जना र ललितपुरमा ४३६ जना गरी उपत्यकामा कुल २ हजार ६०९ जना नयाँ संक्रमित थपिएका छन् ।
