बजार ७२ अंकले बढ्यो, करिब साढे ९ अर्बको कारोवारहाइड्रोमा उछाल, झण्डै १ दर्जन कम्पनीमा सकारात्मक सर्किट

 अर्थ बुलेटिन   २७ भदौ, २०७८



काठमाडौं । केहि समयदेखि निरन्तर ओराली लयमा लागेको शेयर बजारमा आज साताको पहिलो दिन भने उछाल आएको छ ।

आइतवार नेप्से २.४८ प्रतिशत अर्थात ७१.४३ अंक बढेर २९४७.४२ अंकमा पुगेको छ । नेप्सेसंगै सेन्सेटिभ इन्डेक्स पनि २.४३ प्रतिशत अर्थात १३.०३ अंक बढेको छ । 

बजार बढेसंगै विहिवारको तुलनामा कारोबार रकममा सामान्य सुधार आएको छ । आज १ करोड ७१ लाख ३३३ कित्ता कारोबार हुँदा रु ९ अर्ब ४४ लाख ३५ हजार २४३ रुपैयाँको कारोवार भएको छ । 

आज म्यूच्यूअल फण्ड वाहेकका सबै उपसमुहहरु बढेका छन् । आइतवार सबैभन्दा धेरै हाइड्रो पावरको उपसमुह ६.३७ प्रतिशतले बढेको छ भने दोश्रो स्थानमा विकास बैंकको उपसमुह ५.१३ प्रतिशतले बढेको छ । यस्तै तेश्रो स्थानमा फाइनान्स कम्पनीहरुको उपसमुह बढेको छ । 

भारी अंकका साथ बढेको आजको बजारमा झण्डै एक दर्जन कम्पनीमा सकारात्मक सर्किट लागेको छ । राष्ट्रिय विमा कम्पनी लिमिटेड, अरुण काबेली पावर लिमिटेड, लिबर्टी इनर्जी कम्पनी लगायतका १० बटा कम्पनीमा सकारात्मक सर्किट लागेको हो । 

यसैगरी, भारी अंकले बढेको बजारमा पनि राष्ट्रिय हाइड्रो पावर कम्पनी लिमिटेडका लगानीकर्ताहरुले सबैभन्दा धेरै गुमाएका छन् । आज १२ बटा कम्पनीको मात्रै शेयर मुल्य घटेको छ । 



प्रतिक्रिया


प्रतिक्रिया थप्नुहोस






विज्ञापन

 

© 2024 - अर्थ बुलेटिन | Developed by Smart Innovation