२२ चैत, २०८१ | 04 Apr, 2025
काठमाडौं । विगत डेढ दशक देखिको संघर्षलाई उचाल्दै फेरी एक पटक त्रिविका आंशिक शिक्षकहरु संघर्षमा उत्रिएका छन् ।
गत वर्ष पौष २ गतेदेखि २४ दिन आन्दोलन गरी त्रिविसंग सम्झौता गरेर आन्दोलन स्थगन गरेका त्रिवि आंशिक शिक्षकहरु पूनः एक वर्ष नवित्दै आज मंसिर १२ देखि उपकुलपति (भिसी) कार्यालय केन्द्रित संघर्षमा उत्रिएका हुन् ।
त्रिविका देशैभर रहेका आंगिक क्याम्पसहरुमा विगत डेढ दशकदेखि ज्यालादारीमा कार्यरत प्राध्यापकहरु आफ्नो ‘अस्तित्व’ र ‘समान कामको समान ज्याला’ को माग गर्दै पटक पटक आन्दोलन गर्दै आएका छन् ।
विगतमा आमरण अनसनसम्मका आन्दोलन गरेका ज्यालादारी (आंशिक) प्राध्यापकहरु यो पटक अन्तिम लडाई भन्दै देशैभरवाट हजार भन्दा धेरैको संख्यामा काठमाडौं उत्रिएको संघर्ष समितिका प्रवक्ता एल वि विष्टले जानकारी दिनुभयो ।
आन्दोलनरत आंशिक प्राध्यापकहरुले त्रिवि सेवा आयोगका सम्पूर्ण परिक्षाहरुसमेत स्थगन गराएर राखेका छन् । यद्यपी, त्रिवि समस्या समाधानका लागि भन्दा पनि मौन बस्ने र आंशिकको मुद्दालाई आलटाल गरेरै अघि बढ्दै आएको आंशिक प्राध्यापकहरुको गुनासो रहेको छ ।
त्रिविको बेवास्ताका वापजुतपनि आंशिकको मुद्दा सकारात्मक रुपमा अन्तिम अवस्थामा पुगिसकेको र अन्तिम धक्का आवश्यक परेकाले यो आन्दोलनलाई चर्काउनुपरेको आंशिक प्राध्यापक संघर्ष समितिका केन्द्रिय अध्यक्ष गोकुल लिम्वुले बताउनुभयो ।
उहाँले आन्दोलनलाई सम्वोधन गर्दै अबको यो लडाई अन्तिम लडाई भएको र आंशिकको मुद्दालाई त्रिविले नजरअन्दाज गरेमा त्रिविले त्यसको भारी मुल्य चुकाउनुपर्ने दिन आउने बताउनुभयो ।
उहाँले भन्नुभयो ‘त्रिविले राज्यसंग बजेटका लागि गर्नुपर्ने दवाब र सहजीकरणका धेरै काम आंशिक प्राध्यापक संघर्ष समितिले गरिसकेको छ । अब बजेट विनियोजनको अन्तिम अवस्थामा पुगिसकेकोले आंशिकको मुद्दा टुंग्याउनका लागि बल त्रिविको कोटमा रहेको छ । अब कत्तिपनि ढिला नगरी समस्या समाधान अघि बढ्न त्रिविलाई आग्रह गर्दछु ।’
लिम्वुले थप भन्नुभयो ‘यो अन्तिम लडाई हो । अबको साता दिनमानै आंशिकको मुद्दा वार की पार हुनेछ । अब भावि पुस्ताले यो विषयमा संघर्ष गर्नुपर्ने छैन । हामि विजय उत्सब मनाउदै क्याम्पस फर्कनेछौ ।’
यसैविच संघर्ष समितिले त्रिविलाई ज्ञापन पत्र बुझाएको छ । त्रिविका तर्फवाट रेक्टर शिव भुषालले ज्ञापन पत्र बुझ्दै आंशिकको समस्या समाधानका लागि त्रिवि सकारात्मक रहेको बताउनुभयो ।
उपकुलपति कार्यालय केन्द्रित आन्दोलनका विभिन्न झलकका फोटोहरुः
