२४ माघ, २०८१ | 06 Feb, 2025
काठमाडौं । नेपाल राष्ट्र बैंकले गत शुक्रवार गरको मौद्रिक नीतिको पहिलो चालु आ.व. को पहिलो समिक्षाको प्रभावबाट बजार मुक्त हुने प्रयास गरिरहेको छ ।
नीतिले विचलित लगानीकर्ता अत्तालिदा आइतवार भारी अंकले घटेको शेयर बजार सोमवार केहि सम्हालिने प्रयास गरेको थियो भने मंगलवारको नेप्से परिसूचकले करिब त्यसलाई पचाएको संकेत गर्दैछ । यद्यपी, कारोबार रकम भने बढ्न सकेको छैन ।
साताको पहिलो दिन ८० अंकले घटेको बजार २० भन्दा धेरै अंकले घट्यो भने साताको तेश्रो लिनको कारोबारमा नेप्से परिसूचक ०.०६ प्रतिशत अर्थात १.६४ अंकले घटेर २६२८.३७ अंकमा रोकिएको छ ।
यद्यपी, मंगलवार कारोबार रकम भने धेरैनै घटेको छ । सोमवार ८२ लाख २५ हजार ८२२ कित्ताको खरिद विक्रि हुदाँ ४ अर्ब ८९ लाख ३७ हजार १३३ रुपैया १९ पैसाको कारोवार भएकोमा मंगलवार ६४ लाख ४७ हजार ४४९ कित्ताको खरिद विक्रि हुदाँ ३ अर्ब ८ करोड ९० लाख ४१ हजार ९९० रुपैया ६८ पैसाको मात्रै कारोवार भएको छ ।
अघिल्लो दिनको जस्तै यस दिन पनि न्याङदी हाइड्रोपावर र समलिङिगी पावर कम्पनीको शेयर मुल्य करिब १० प्रतिशतले बढेको छ । मंगलवार आइसिएफसी फाइनान्सको सबैभन्दा धेरै रकमको कारोबार भएको छ भने महालक्ष्मी विकास बैंकको सबैभन्दा धेरै किक्ता कारोबार भएको छ ।
