२४ माघ, २०८१ | 06 Feb, 2025
काठमाडौं । दिनभर सामान्य उचारचढावका विच कारोबार भएको बुधवारको शेयर बजार अन्तत करिब ५ अंकले बढेको छ । यद्यपी, कारोबार रकम भने दैनिक खस्कदो अवस्थामा देखिएको छ ।
मौद्रिक नीतिले विचलित लगानीकर्ता मंगलवारदेखिनै सम्हालिन थालेबा छन् फलत, बुधवारको बजार केहि बढेर बसेको लगानीकर्ताहरुको बुझाई रहेको छ ।
यस साताको पहिलो दिन ८० अंकले घटेको बजार दोश्रो दिन करिब २१ अंकको घटाईमा झरेको थियो । यो क्रम मंगलवार अझै सुधार हुदै १.६४ अंकले घटेर बजार बसेको थियो भने बुधवार ५ भन्दा धेरै अंकले बढेको छ ।
दोधारमा परेका लगानीकर्ताहरुका बावजुत आइतवारदेखिको नेप्सेको यात्रा र मंगलवार एवं बुधवारको बजारको उतारचढावलाई मुल्याङकन गर्दा विहिवारका लागि बजारले शुभ संकेत देखाएको छ ।
मौद्रिक नीतिको समिक्षा पश्चात यस साताको पहिलो दिन ८० अंकले घटेको बजार दोश्रो दिन करिब २१ अंकको घटाईमा झरेको थियो । यो क्रम मंगलवार अझै सुधार हुदै १.६४ अंकले घटेर बजार बसेको थियो भने बुधवार बजार ५ भन्दा धेरै अंकले सकारात्मकनै भएको छ ।
बुधवार ०.२० प्रतिशत अर्थात ५.२८ अंकले नेप्से परिसूचक बढेको २६३३.६६ अंकमा बसेको छ । यस्तै, सेन्सेटिभ इन्डेक्स ०.१८ प्रतिशत अर्थात ०.८९ अंकले बढेर ४९६.७४ अंकमा रोकिएको छ ।
यद्यपी, कारोबार कित्ता र रकम भने सोमवारदेखिनै क्रम खुम्चदै गएको छ । सोमवार ८२ लाख २५ हजार ८२२ कित्ताको खरिद विक्रि हुदाँ ४ अर्ब ८९ लाख ३७ हजार १३३ रुपैया १९ पैसाको कारोवार भएकोमा मंगलवार ६४ लाख ४७ हजार ४४९ कित्ताको खरिद विक्रि हुदाँ ३ अर्ब ८ करोड ९० लाख ४१ हजार ९९० रुपैया ६८ पैसाको मात्रै कारोवार भएको थियो ।
कारोवार कित्ता र रकम घट्ने क्रम बुधवारको कारोवारमा पनि निरन्तरतानै रहयो । यस दिन ५३ लाख १० हजार २१५ कित्ताको खरिद विक्रि हुदाँ २ अर्ब ७४ करोड २० लाख ८५ हजार ७०४ रुपैया ३३ पैसाको मात्रै कारोवार भएको छ ।
अघिल्लो दिनको जस्तै यस दिन पनि न्याङदी हाइड्रोपावर, समलिङिगी पावर कम्पनी र कर्पोरेट विकास बैंकको शेयर मुल्य करिब १० प्रतिशतले बढेको छ । आज पनि मंगलवार जस्तै, आइसिएफसी फाइनान्सको शेयर मुल्य सबैभन्दा धेरै घटेको छ ।
