२२ चैत, २०८१ | 04 Apr, 2025
काठमाडौं । गत माघ २३ गतेदेखि लागेको त्रिवि सेवा आयोगको ताला खोल्न आन्दोलनरत प्रशिक्षार्थी र सेवा आयोग सहमत भएका छन् ।
मंगलवार र बुधवार भएको दुइपक्षको वार्ता पछि, स्वतन्त्र विशेषज्ञको टोली गठन गरी पाठ्यक्रम परिमार्जन गर्न, प्रश्नपत्र परिबर्तन गर्न, परिक्षा स्थानीय तहको निर्वाचनपछि मात्रै संचालन गर्न त्रिवि सहमत भए पश्चात सेवा आयोगको ताला खोल्ने सहमति भएको उप–प्राध्यापक परिक्षार्थी संघर्ष समितिका संयोजक राजेन्द्र आचार्यले बताउनुभयो ।
आचार्यले थप भन्नुभयो, “वुधवार दुबै पक्षका जिम्मेवार पदाधिकारीहरु बसेर भएको सहमति कार्यन्वयनमा त्रिव निकै सम्वेदनशिल छ । विहिवार देखिनै यसको कार्यन्वयन आरम्भ हुनेछ । त्रिविले विगतमा पनि धेरै सम्झौता गर्ने र त्यसको कार्यन्वयन नगर्ने गरेको परिवेशमा यस पटक हामि धेरै नै सचेत छौ । विगतको जस्तो अवस्था दोहोरिने छैन । यदि कार्यन्वयन नहुने अबस्था आएमा त्रिविले ठूलो मुल्य चुकाउनुपर्ने हुन्छ ।”
विहिवार त्रिवि प्राङगणमा एक विशेष कार्यक्रमको आयोजना गरी ताला खोलिने उनले जनाए ।
अन्य कार्यालयको तालाबन्दि अझै अनिर्णितः
यसैविच, त्रिविको भिसि, रेक्टर, रजिष्टर, डिन कार्यालयहरु तथा देशैभरका आंगिक क्याम्पसहरुको प्रशासन, लेखा र क्याम्पस प्रमुखको कार्यकक्षामा लगाईको ताला भने अझै यथावतनै रहेको छ । त्रिविका देशैभरको करिब २ हजार आंशिक शिक्षकहरुले ‘समान कामको, समान ज्याला’ को माग राख्दै लगाएको तालाको बारेका भने त्रिविले अझै कुनै औपचारिक सम्वोधन गरिनसकेको एक जना आंशिक शिक्षकले बताए ।
आंशिक शिक्षक संघर्ष समितिको नेतृत्वमा लगाईको ताला खोल्ने बारेमा भने त्रिविले अझै कुनै औपचारिक बार्ता गरेको छैन । उनि भन्छन्, ‘हाम्रो आन्दोलन अझै जारी छ । अब हाम्रो सबै शक्ति भिसी कार्यालयतर्फ केन्द्रित हुनेछ ।’
