२२ चैत, २०८१ | 04 Apr, 2025
काठमाडौं । त्रिभुवन विश्वविद्यालय उपकुलपतिको कार्यालयमा एउटा समुहले ताल्चा फुटाउने र अर्को समुहले फेरी ताल्चा मार्ने कार्य महिनौदेखि निरन्तर जारी छ ।
विभिन्न माग सहित विभिन्न समुहहरुले झण्डै आधावर्षदेखि लगाईरहेको ताला पछिल्लो पटक गत १८ गते दिनको करिब २ बजेतिर नेपाल कम्यूनिष्ट पार्टी (क्रान्तिकारी) ले फुटायो । त्यस लगतै ताल्चा फुटाएको करिब १९ घण्टामानै (भोलिपल्ट) अर्थात १९ गते विहान करिब ९ बजेको समयमा फेरी ताल्चा लगाइयो ।
महिनौदेखि लागेको ताल्चा २ वटा फरक फरक समुहले फरक फरक माग राख्दै लगाएका छन् ।
त्रिवि भित्रको भ्रष्टाचारिताको छानविनको माग गर्दै नेपाल विद्यार्थी संघ (नेवि संघ) ले यसरी ताल्चा लगाएको महिनौ भयो । तर, उसको मागमा त्रिविले सम्वोधन त परै जावस् वार्ता तथा छलफलको कुनै प्रक्रिया समेत अघि नबढाएको संघको आरोप छ ।
यस्तै, दोश्रो ताल्चा ‘समान कामको, समान ज्याला’ को माग गर्दै आंशिक प्राध्यापक संघले लगाएको छ । संघको आन्दोलन भने कुनै नौलो होइन । झण्डै १५ बर्ष अघिदेखि निरन्तर चलिरहेको आन्दोलनको पछिल्लो चरणको कार्यक्रम अन्र्तगत भिसी, रेक्टर र डिनको कार्यालयमा ताल्चा मारिएको हो ।
त्रिविले ज्यालामा विभेद गरेको, त्रिविमा करिब ४ हजारको संख्यामा रित्त दरवन्दि रहेता पनि पूर्ण संख्यामा विज्ञापन नखोलेको जस्ता आरोप लगाउदै समस्या सामाधान नहुदाँसम्म ताला नखोल्ने आंशिक प्राध्यापक संघले जनाएको छ ।
ताल्चा लगाएका दुबै समुहको एउटा माग भने समान रहेको छ । यि दुबैको साझा मागका रुपमा त्रिवि भित्रका भ्रष्टाचारको मुद्धा हो । रित्त दरवन्दिवापत नियमित त्रिविलाई राज्यवाट रकम आइरहेको र त्यो रकम त्रिविले भ्रमण, भत्ता लगायतका विविध शिर्षकमा खर्च गरि हिनामिना गरिरहेकाले सो रकमको खोजि गर्नुपर्ने आंशिकको भनाइ रहेको छ ।
समस्या समाधान नहुँदासम्म त्रिविले ताला जति पटक फुटाउछ त्यतिनै पटक हामि फेरी ताला लगाउछै एक आंशिक प्राध्यापकले भने ‘समस्या समाधान तर्फ लाग्नुको साटो त्रिविले ताला फुटाउने र लगाउनेको प्रतिसपर्धात्मक खेलको सुरुवात पो गर्यो ।’
