२२ चैत, २०८१ | 04 Apr, 2025
काठमाडौं । त्रिभुवन विश्वविद्यालयको उपकुलपति कार्यालयमा करिब पाँच महिनाअघि देखि लागेको ताला आइतबारदेखि खुलेको छ ।
विभिन्न माग राख्दै नेपाली कांग्रेसको विद्यार्थी संगठनले माघ ६ गते र आंशिक प्राध्यापकहरुले माघ २१ गते देखि उपकुलपति, रेक्टर र रजिस्ट्रारको कार्यालयमा ताला लगाएका थिए ।
नेपाल विद्यार्थी संघले शुक्रबार ताला खोलेको हो भने आंशिक प्राध्यापक केन्द्रीय संघर्ष समितिले आइतबार ताला खोलेका हुन् । योसँगै करिब १४० दिन भन्दा बढी समयदेखि बन्द रहेको विश्वविद्यालयको प्रशासनिक कामहरु नियमित हुने भएको छ ।
आंशिक प्राध्यापकको ताला खोल्न आइतबार विश्वविद्यालयको वार्ता समिति र आंशिक प्राध्यापक केन्द्रीय संघर्ष समितिबीच ६ बुँदे सहमति भएको छ । नेपाल विद्यार्थी संघले भने त्रिविका उपकुलपतिसमेत रहेका प्रधानमन्त्रीसँग सहमति भए अनुसार ताला खोलेको जनाएको छ ।
त्रिविको वार्ता टोली र आंशिक शिक्षक विच नेपाल सरकारको मिति २०७४ मंसिर ८ मा त्रिवि मा कार्यरत आंशिक शिक्षकहरुलाई करार गर्न १४२० को दरबन्दि स्वीकृत गरे अनुसार सो दरबन्दि कार्यन्वयनका लागि त्रिविले नेपाल सरकारसंग आवश्यक पर्ने बजेटका लागि १५ दिन भित्र पहल गर्ने सहमति भएको छ ।
हेर्नुहोस् विश्वविद्यालय र आंशिक प्राध्यापकबीच भएको सहमति:
