१३ बैशाख, २०८१ | 25 Apr, 2024
काठमाडौं । महाभारत शुरु भएको ५१५९औं दिनको अवसर पारेर पद्मकन्या बहुमुखी क्याम्पस जनसंख्या अध्ययन विभागले एक विशेष कार्यक्रम सम्पन्न गरेको छ ।
कार्यक्रममा भागवत गिता र जनसंख्या विषयको सम्वन्धका विषयमा जनसंख्या विभागका विभागिय प्रमुख तथा कार्यक्रम संयोजक सह प्राध्यापक भेषनाथ सापकोटाले ‘८ अर्बको विश्वमा गिताको सान्दर्भिकता’ अध्ययन प्रतिवेदन प्रस्तुत गर्नुभएको थियो ।
उहाँले प्रतिवेदन पेश गर्दै गिता जसले राम्रोसंग अध्ययन गर्छ उसको जन्म सार्थक हुने र आत्म पुर्नजन्म भइरहने विश्वास गर्न सकिने बताउनु भयो । गिता संस्कृति, सभ्यता, संस्कारको पाठ सिकाउने महत्वपूर्ण विधाका रुपमा पनि गिता हेर्नुपर्ने भन्दै त्यसको महत्व बुझेर आज ४ अर्ब प्रति गिता छापिएको र विक्रि वितरण भएको बताउनुभयो । सापकोटाले अध्ययन प्रतिवेदनलाई प्रकाश पार्दै ४४ लाखले महाभारतको युद्धमा भाग लिएको र ‘कर्म गर्नु, फलको आशा नगर्नु’ भन्ने गिताको मुल भाव रहेको प्रष्टयाउनुभयो ।
प्रतिवेदन माथि छलफल गर्दै क्याम्पसका निमित्त प्रमुख राजु मल्लले यस्ता अध्ययन अनुसन्धानले शैक्षिक विकासमा महत्वपूर्ण भूमिका निर्वाह गर्ने बताउनुभयो । उहाँले अन्य विभागलाई पनि यि र यस्ता विषयहरुमा अध्ययन अनुसन्धान गर्न आग्रह गर्नुभयो ।
पशुपति वहुमुखी क्याम्पसका पूर्ब क्याम्पस प्रमुख प्राध्यापक प्रयागराज भट्टराइले जन्म, मृत्यू र बसाई सराईजस्ता जनसांखिक विषयहरु महाभारतमा जोडिएकोले यो आफैमा पूर्ण भएको बताउनुभयो । योग्यता हरेक क्षेत्रमा आवश्यक भएको बताउदै भट्टराईले कर्मयोग, भक्तियोग, ज्ञानयोगसंग जोडिएको महाभारतको विषयले मानिसलाई कसरी कर्मयोगमा लाग्ने भनेर प्रशस्त वाटोहरु देखाएको बताउनुभयो ।
कार्यक्रममा सह प्राध्यापक डा. उद्धव सिग्देलले तथ्यपरक र खोजमुलक भएर गरिएको यस्ता अध्ययनले लोप हुन लागेको विषयहरुको संरक्षण गर्ने बताउनुभयो । महाभारत भनेको जिवन दर्शनको एक महत्वपूर्ण ज्ञान भएकाले हरेक व्यक्तिले एक पटक आफैले महाभारत पढ्ने अठोग गर्नुपर्ने उहाँले बताउनुभयो ।
प्राध्यापक डा. शैलेन्दु प्रकाश नेपालले गिता लोकहितका लागि सर्वोत्कृष्ट कृति भएको चर्चा गर्दै कर्मवाट विमुख नहुने सन्देश दिदै गिताले आत्म संयम, आत्म सम्मान, कर्म, ज्ञान, जिवन र दर्शन जस्ता विषयलाई जोडेको बताउनुभयो ।
यसैगरी, सह प्राध्यापक डा. रामचन्द्र पोखरेलले गिता एउटा धार्मिक ग्रन्थ मात्रै नभईकन नैतिकत ज्ञान, भाइचारा, सामाजिक बन्धुत्व, सत्मार्ग, उच्च शक्ति प्रदान गर्ने एक मुल ग्रन्थ भएको चर्चा गर्नुभयो ।
पद्मकन्या क्याम्पक पत्रकारीता विभागका प्रमुख उपप्राध्यापक ज्ञाननिष्ट ज्ञवालीले मानिसमा अत्मचिन्तन, आत्म समिक्षा, धैर्य हुनुपर्ने विषय गितामा पाइने भन्दै गिताले कर्मभक्ति र ज्ञानलाई महत्वपूर्ण स्थान दिएको बताउनुभयो ।
कार्यक्रम समापन गर्दै क्याम्पस व्यवस्थापन समितिका अध्यक्ष प्राध्यापक चेतोनाथ सापकोटाले गितालाई जनसंख्यासंग जोडिनु आफैमा महत्वपूर्ण पाटो भएकाले गिताले मानिसको जिवनमा आवश्यक पर्ने कर्मयोग, भक्तियोग र ज्ञानयोग गरी ३ वटा योगलाई महत्व दिएको चर्चा गर्नुभयो ।
अध्ययन प्रतिवेदन प्रस्तुति तथा छलफल कार्यक्रम पद्मकन्या क्याम्पक प्राङगणमा भएको थियो भने कार्यक्रमको संचालन जनसंख्या विषयकी उपप्राध्यपक राधिका श्रेष्ठले गर्नुभएको थियो ।
