२८ बैशाख, २०८१ | 10 May, 2024
काठमाडौं । यूएईमा कोरोना भाइरस (कोभिड–१९) बाट संक्रमित २ जना नेपाली नागरिक निको भएका छन् । यूएईको स्वास्थ्य मन्त्रालय अन्तरगत आबुधाबी स्वास्थ्य विभागकी सरुवा रोग नियन्त्रणसम्बन्धी महाशाखाकी प्रमुख रहेकी डाक्टर फरिदा अल होसेनीले सोमबार पत्रकार सम्मेलनमार्फत सो कुरा जनाएकी हुन् ।
उनले २ जना नेपाली नागरिकसहित ३ जना व्यक्ति निको भएकी जनाएको स्थानीय सञ्चारमाध्यम द नेसनलले जनाएको छ ।
निको हुने अर्को एक जना भने इरानी नागरिक रहेको डाक्टर फरिदाले जानकारी दिएकी छिन् । योसहित यूएईमा कोभिड–१९ बाट संक्रमित भएका ४१ जनाले स्वास्थ्यलाभ गरेका छन् ।
डाक्टर फरिदाले कोभिड–१९ को रोकथाम र नियन्त्रणका लागि यूएई सरकार दृढताका साथ लागेको र संक्रमितहरुको मुलुकमा रहेका विभिन्न अस्पतालमा उपचार भइरहेको पनि जनाईन् ।
