७ जेठ, २०८१ | 20 May, 2024
काठमाडौं । सरकारले लागू गरेको लकडाउन उल्लङ्घन गर्ने ६८ जना पक्राउ परेका छन् । कोरोना भाइरस (कोभिड–१९) को रोकथामका लागि लागू गरेको लकडाउन उल्लङ्घन गर्नेहरुलाई प्रहरीले देशका विभिन्न स्थानबाट नियन्त्रणमा लिएको हो ।
प्रहरी प्रवक्ता डीआईजी शैलेश थापाका अनुसार लकडाउन उल्लङ्घन गर्नेमध्ये कैलालीबाट ३१ जना, कपिलवस्तुबाट १४ जना, रुपन्देहीबाट ७ जना, झापाबाट ४ जना, सुनसरीबाट ४ जना, पर्साबाट ३ जना, सिरहाबाट २ जना, कञ्चनपुर २ जना र धनुषाबाट १ जनालाई प्रहरीले नियन्त्रणमा लिइएको छ ।
साथै लकडाउन उल्लङ्घन गरी सञ्चालन गरेका १ हजार ५ सय ७१ सवारी साधनलाई समेत विभिन्न स्थानबाट प्रहरीले नियन्त्रणमा लिएको डीआईजी थापाको भनाइ छ ।
यस सम्बन्धमा प्रहरीले कोरोना संक्रमणको संभावित जोखिम बारे सम्झाई बुझाई गर्नुका साथै आवश्यक सोधपुछ तथा अनुसन्धान गरिरहेको प्रहरीले जनाएको छ ।
एक साताका लागि सरकारले मंगलबार बिहान ६ बजेदेखि आगामी चैत १८ गते बिहान ६ बजेसम्मका लागि देशैभर लक डाउन गर्ने निर्णय गरेको हो ।
