७ जेठ, २०८१ | 20 May, 2024
काठमाडौं । भाइरसको संक्रमणबाट विश्व नै प्रभावित भैरहेका बेला चीनमा फेरि अर्को भाइरसको संक्रमण देखिएको छ । चिनियाँ सञ्चारमाध्यम ग्लोबल टाइम्सका अनुसार सोमबार सान्डोङ प्रान्तमा एक व्यक्तिको मृत्यु भएको पुष्टि भएको छ ।
चिनियाँ सञ्चारमाध्यम ग्लोबल टाइम्सका अनुसार सोमबार सान्डोङ प्रान्तमा हान्ता भाइरसको संक्रमणबाट एक जनाको मृत्यु भएको हो । काममा फर्कने क्रममा बसमा युनान प्रान्तका ति व्यक्तिको मृत्यु हो । लगत्तै बसमा रहेका अन्य ३२ जना मानिसको भाइरस परीक्षण गरिएको छ ।
चीनको रोग नियन्त्रण तथा रोकथाम केन्द्र (सिडिसी)का अनुसार ती व्यक्तिको हान्ता नामक भाइरसका कारण ज्यान गएको हो । उक्त भाइरस मुसाबाट सर्ने अन्य भाइरसको परिवार रहेको र यसले अन्य धेरै रोग निम्त्याउने बताइएको छ ।
तर यो भाइरस मानिसबाट मानिसमा भने नसर्ने पनि सिडिसीले स्पष्ट पारेको छ । यो हावाबाट सर्दैन । मुसाको पिसाब, ¥याल वा राम्ररी नपचेका खाद्य पदार्थको बाँकी अशंबाट मानिसमा सर्छ ।
यसको प्रारम्भिक लक्षणमा थकान, ज्वरो आउने, मांशपेशी दुख्ने, रिंगटा लाग्ने आदि समस्या देखिन्छन् । समयमै उपचार नभए खोकी लाग्ने तथा श्वासप्रश्वासमा समस्या आउन सक्छ र ज्यान पनि जान सक्छ ।
सिडिसीले मुसाको संख्या नियन्त्रण गर्नु नै हान्ता भाइरस नियन्त्रणको पहिलो उपाय भएको बताएको छ ।
