५ जेठ, २०८१ | 18 May, 2024
काठमाडौं । नेपालमा थप ३ जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार भेरी अस्पताल नेपालगन्ज र प्रादेशिक जनस्वास्थ्य प्रयोगशाला रुपन्देहीमा गरिएको परीक्षणमा संक्रमण पुष्टिभएको हो ।
यससँगै नेपालमा कोरोना संक्रमितको संख्या ४ सय ५७ पुगेको हो ।
जसमा बाँकेको नरैनापुर ३ का ३२ वर्षीय पुरुष, खजुरा ३ का ४२ वर्षीया महिला र कपिलबस्तुको सुद्धोधन गाउँपालिका निवासी १९ वर्षीय पुरुष रहेका छन् । उनीहरु सबैको स्वास्थ्य अवस्था सामान्य रहेको छ । अहिलेसम्म तीनजनाको कोरोना संक्रमणबाट मृत्यु भएको छ भने ४९ जना निको भएर घर फर्किएका छन् ।