६ जेठ, २०८१ | 19 May, 2024
काठमाडौं । नेपालमा थप एक जनाको कोरोनाभाइरस संक्रमणबाट मृत्यु भएको छ । बुधबार साँझ ललितपुरको बुङमतीका ५७ वर्षीय पुरुषको निधन भएको हो । ललितपुरको किस्ट अस्पतालमा उपचाररत उनी जेठ ११ गते अस्पताल भर्ना भएका थिए । उनको जेठ १२ गते स्वाब संकलन गरिएको थियो ।
मृत्युको केही समयपछि आएको रिपोर्ट कोरोना पोजेटिभ देखिएको ललितपुर जनस्वास्थ्य जनाएको छ । उनी अल्कोहलिक लिभर डिजिजका कारण अस्पताल भर्ना भएका थिए ।
यद्यपि यसबारे हालसम्म स्वास्थ्य मन्त्रालयले भने आधिकारिक जानकारी दिएको छैन । यससँगै नेपालमा कोरोनाबाट ज्यान गुमाउनेको संख्या ५ पुगेको छ ।