२७ असार, २०८२ | 11 Jul, 2025
काठमाडौं । काठमाडौं महानगरपालिका वडा नं. ११ मा ‘मंगलादेवी स्मृति जेष्ठ नागरिक पार्क’ शुभारम्भ भएको छ ।
पार्कको एक कार्यक्रममका विच नेपाल सरकारका उप–प्रधान तथा शहरी विकास मन्त्री प्रकाशमान सिंहले उद्घाटन गर्नुभयो ।
वागमति प्रदेश, काठमाडौं जिल्ला निर्वाचन क्षेत्र नं. १ (क), नेपाली कांग्रेसका सांसद दिपेन्द्र श्रेष्ठको पहल कदमिमा संस्कृति, पर्यटन तथा शहरी विकास मन्त्रालयको रु ७८ लाखको आर्थिक सहयोगमा पार्क निर्माण कार्य सम्पन्न भएको सांसद श्रेष्ठले अर्थ बुलेटिनलाई जानकारी दिनुभयो । यो पार्कका बच्चादेखि बृद्धासम्म सबैले आराम गर्न सक्ने उहाँले बताउनुभयो ।
करिब ४ रोपनी क्षेत्रफलमा फैलिएको यो पार्कमा निर्माण गरिएको ‘फाल्चा’ ले काठमाडौंमा लोपहुदै गएको पुरातन संरचनाहरुको समेत संरक्षणमा महत्वपूर्ण भूमिका निर्वाह गर्ने सांसद दिपेन्द्र श्रेष्ठले बताउनुभयो ।
स्थानीय केहि व्यक्तिहरुले हडपेको सार्बजनिक जग्गा काठमाडौं महानगरपालिका वडा नं. ११ का वडाध्यक्ष हिरालाल तण्डुकार र प्रदेश सांसद दिपेन्द्र श्रेष्ठको पहलमा करिब ४ बर्ष पहिला नेपाल सरकारको नाममा फिर्ता ल्याइएको र सो जग्गामा हाल पार्क निर्माण गरिएको सांसद श्रेष्ठले बताउनुभयो ।
पार्क उद्घाटन कार्यक्रमसंग सम्वन्धित फोटोहरुः
